Tag: Kaowao

မွန်ပြည်နယ်အတွင်းရှိ မြို့ပေါ်ရပ်ကွက်နှင့် ကျေးရွာအုပ်စုများတွင် ပြည်သူ့လုံခြုံရေးနှင့် အကြမ်းဖက်နှိမ်နင်းရေးအဖွဲ့ ဖွဲ့စည်းသွားရန်အတွက် ပြင်ဆင်နေကြပြီဟု သတင်းရရှိသည်။

လာမည့် စက်တင်ဘာ သို့မဟုတ် အောက်တိုဘာလများအတွင်း ဝဲကလိတပ်နယ်မှ အမှတ် (၄) တပ်မတော် တန်းမြင့်သင်တန်းကျောင်းအပါအဝင် ရေးနှင့် သံဖြူဇရပ်မြို့သိမ်းတိုက်ပွဲဆင်နွှဲသွားရန် အနီးအနားပတ်ဝန်းကျင်ဒေသများအတွင်း တော်လှန်ရေးတပ်ဖွဲ့များ စုဖွဲ့နေကြောင်း စစ်ကောင်စီလော်ဘီများက တယ်လီဂရမ်ပေါ်မှ ဝါဒဖြန့်ရေးသားနေကြောင်း တွေ့ရသည်။

မြန်မာစစ်တပ်မှ လက်နက်ကြီးပစ်ခတ်ကြောင့် ဘီးလင်းမြို့နယ် တောင်ကလေးကျေးရွာအတွင်းရှိ နေအိမ်တစ်လုံးပျက်ဆီးခဲ့ပြီး ကလေးငယ်တစ်ဦး ဒဏ်ရာရရှိကာ (၉) နှစ်အရွယ်ကလေးငယ်တစ်ဦး ထိခိုက်ဒဏ်ရာရရှိခဲ့ကြောင်း ဒေသခံများထံမှ သိရသည်။

မွန်ပြည်နယ် သံဖြူဇရပ်မြို့နှင့် ကရင်ပြည်နယ် ကြာအင်းဆိပ်ကြီးမြို့နယ် ဘုရားသုံးဆူ ထိုင်းနယ်စပ်မြို့ကို ဆက်သွယ်ထားသော မော်တော်ကားလမ်းဖြတ်သန်းသွားရာ အနန်းကွင်းကျေးရွာနှင့်အနီးတဝိုက်ရွာများတွင် တိုက်ပွဲများနေ့စဥ်ဆက်တိုက်ဖြစ်ပေါ်နေပြီး စစ်ကောင်စီ၏ လေယာဥ်ဗုံးကြဲမှုကြောင့် ဘုန်းကြီးကျောင်းအပါအဝင် အနန်းကွင်းတစ်ရွာလုံးနီးပါး ပျက်စီးသွားပြီဟု ထွက်ပြေးလာသော ရွာသားအချို့က ပြောသည်။

ရေးမြို့နယ် နှစ်ကရင်ကျေးရွာလမ်းဝတွင် တပ်စွဲထားသည့် စစ်ကောင်စီတပ်သည် ဒရုန်းအပြင် လက်နက်ကြီးနှင့်ပါ ပစ်ခတ်တိုက်ခိုက်ခံရပြီး ထိုခိုက်သေဆုံးကာ ဒဏ်ရာရရှိခဲ့ကြောင်း တောင်ညိုစစ်ကြောင်း မှ သတင်းထုတ်ပြန်ခဲ့သည်။

ရေးမြို့နယ် ပေါ့ထောကျေးရွာတံတားတွင် ကင်းပုန်းဝပ်နေသည့် စစ်ကောင်စီတပ်မှ သေနတ်ဖြင့် ပစ်ခတ်ခဲ့သည့်အတွက် ရော်ဘာခြံမှ ပြန်လာသည့် ဒေသခံအမျိုးသားတစ်ဦး ကျည်ထိမှန်ဒဏ်ရာရရှိခဲ့ကြောင်း ဒေသခံများထံမှ သိရသည်။

ကျိုက်ထိုမြို့နယ် သိမ်ဇရပ်မြို့အခြေစိုက် စစ်ကောင်စီလက်အောက်ခံ အမှတ် ၃၁၀ အမြောက်တပ်မှ ပစ်ခတ်လိုက်သည့် လက်နက်ကြီးကျရောက်ပေါက်ကွဲမှုကြောင့် ဝါးဒက်ကွင်းကျေးရွာမှ ဒေသခံလူငယ်တစ်ဦး သေဆုံးခဲ့ကြောင်း သိရသည်။ ဩဂုတ်လ (၂၄) ရက်နေ့ နံနက် (၁၀) နာရီအချိန်ခန့်က သိမ်ဇရပ်အခြေစိုက် အမြောက်တပ်မှ ...

ယခုနှစ် ပထမနှစ်ဝက်အတွင်း မြန်မာနိုင်ငံ၌ မြေမြှုပ်မိုင်းကြောင့် လူပေါင်း (၇၀၀) နီးပါး ထိခိုက်သေဆုံးခဲ့ကြောင်း ကုလသမဂ္ဂ နိုင်ငံတကာကလေးများ အရေးပေါ် ရန်ပုံငွေအဖွဲ့ (UNICEF Myanmar ) မှ ထုတ်ပြန်သည့် အစီရင်ခံစာအရ သိရသည်။

ပြီးခဲ့သည့် ဩဂုတ်လ (၂၁) ရက်နေ့၊ နံနက်ပိုင်းက ကျိုက်ထိုမြို့နယ် လှည်းလမ်းကူးကျေးရွာအုပ်စု၊ လက်ပြကျေးရွာ ဘဲလေးစားသောက်ဆိုင်အနီးရှိ နေအိမ်တစ်လုံးအား စစ်တပ်မှဝင်ရောက်စီးနင်းတိုက်ခိုက်စဉ် နှစ်ဖက်ပစ်ခတ်မှုများဖြစ်ပွားခဲ့ရာမှ သေဆုံးခဲ့သူများမှာ သတင်းထောက်နှစ်ဦးနှင့် KRF ရဲဘော်နှစ်ဦးဖြစ်ကြောင်း ကျိုက်ထိုတော်လှန်ရေးအင်အားစု (KRF) ထုတ်ပြန်ချက်အရ သိရသည်။

ကရင်ပြည်နယ် မြဝတီမြို့နယ်အတွင်းမှာ ကျားဖြန့်လို့ခေါ်တဲ့ တရုတ်ငွေလိမ်လုပ်ကိုင်သူတွေ ထွက်ခွာသွားဖို့ ကရင်နယ်ခြားစောင့်တပ်-BGF က သတိပေးစာတွေ ထုတ်ပြန်ခဲ့ပြီးတဲ့နောက်မှာ တရုတ်တွေအတော်များများဟာ သောင်းရင်းမြစ်ကမ်းနံဘေးကနေ ဘုရားသုံးဆူမြို့ကို အစုလိုက်အပြုံလိုက် ပြောင်းရွှေ့လို့ ဝင်ရောက်လာပါပြီ။