ရေးမြို့နယ်တောင်ပိုင်းတွင် သန်းခေါင်စာရင်းကောက်ယူနိုင်ရေးအတွက် ဒေသခံတို့၏ မော်တော်ယာဥ်များကို ချောဆွဲခိုင်းထားကြောင်း စုံစမ်းသိရှိရသည်။

ရေးမြို့နယ် အစင်ကျေးရွာ ဓမင်းဆိပ်ရပ်တွင် ပင်လယ်ပြင်မှပြန်ဝင်လာသည့် ငါးဖမ်းလှေမှ လှေလုပ်သားတချို့ ဝမ်းပျက်ဝမ်းလျောရောဂါခံစားနေရပြီး တစ်ဦးသေဆုံးထားကြောင်း ဒေသခံများထံမှသိရသည်။

ပေါင်မြို့နယ် ပေါက်တောကျေးရွာရှိ ရေမြောင်းအတွင်း သေနတ်ဒဏ်ရာဖြင့် သေဆုံးနေသူ အမျိုးသားတစ်ဦး၏ ရုပ်အလောင်းအား ယမန်နေ့ မွန်းတည့်ချိန်က တွေ့ရှိခဲ့ကြောင်း ဒေသခံများထံမှ သိရသည်။

တနင်္သာရီတိုင်းဒေသကြီး ထားဝယ်မြို့နယ် မောင်မယ်ရှောင်ကျေးရွာအနီး၊ ထားဝယ် - ရေး ရထားလမ်းပိုင်း၊ ရေဖြူနှင့် ထားဝယ်ဘူတာကြားရှိ မောင်မယ်ရှောင်တံတားမှာ စက်တင်ဘာလ (၂၅) ရက်နေ့ ညနေပိုင်းအချိန်က မိုင်းခွဲဖျက်ဆီးခံခဲ့ရကြောင်း ထားဝယ်ဘူတာမှ တာဝန်ရှိသူများထံမှ သိရသည်။

မွန်ပြည်နယ်အတွင်း တော်လှန်ရေးအားကောင်းသည့်ဒေသများဖြစ်သော ရေး၊ သံဖြူဇရပ်၊ ကျိုက်ထို၊ ဘီးလင်း၊ သထုံမြို့နယ်တို့တွင် သန်းခေါင်စာရင်းကောက်ယူရာ၌ လုံခြုံရေးအင်အားအများအပြားအသုံးပြုကာ ကောက်ယူသွားမည်ဖြစ်ကြောင်း သိရသည်။

မုဒုံမြို့နယ် ကွမ်လှာကျေးရွာနေ အမျိုးသားတစ်ဦး သေနတ်ဖြင့်ပစ်သတ်ခံရပြန်ကြောင်း ဒေသခံများထံမှ သိရသည်။

မွန်ပြည်နယ်တွင် ပင်လယ်ကမ်းရိုးတန်းဒေသရှိ ရေလုပ်သားများမှတဆင့် ကူးစက်ပြန့်ပွားလာသော ဝမ်းလျှောရောဂါသည် ယခုအခါ မြို့ပေါ်သို့ ရောက်ရှိလာပြီဖြစ်ရာ သက်ဆိုင်ရာ ကျန်းမာရေးဌာနများအနေဖြင့် ပြည်သူများ ကြိုတင်ကာကွယ်နိုင်ရေးအတွက် အသိပညာပေးမှုနှင့် လိုအပ်သည့် ကျန်းမာရေးဆိုင်ရာကိစ္စရပ်များအား စီမံဆောင်ရွက်ပေးသင့်ကြောင်း လူမှုရေးအသင်း လှုပ်ရှားသူများက ပြောကြားသည်။

ရေးမြို့နယ်မြောက်ပိုင်း မော့ကနင်ကျေးရွာအနီးတွင် ယမန်နေ့က ကင်းပုန်းဝပ်နေသည့် စစ်ကောင်စီတပ်မှ အမျိုးသားနှစ်ဦးအား KNU/PDF ဟုစွပ်စွဲကာ သေနတ်ဖြင့်ပစ်သတ်ခဲ့ကြောင်း ဒေသခံများထံမှ သိရသည်။

သံဖြူဇရပ်မြို့အခြေစိုက် ပိုင်ရှင်မဲ့လူမှုကူညီရေးအသင်းဝင် ထပ်မံဖမ်းဆီးခံခဲ့ရပြီး လက်ရှိမှာ ဖမ်းဆီးခံခဲ့ရသူပေါင်း (၁၁) ဦးအထိရှိလာပြီးဖြစ်ကြောင်း မြို့ခံပြည်သူများထံမှ သိရသည်။

သထုံမြို့နယ်တွင် စစ်ကောင်စီ လုံခြုံရေးပူး‌ပေါင်းအဖွဲ့များက ကားလမ်းမကြီးပေါ် ၌ ယာဉ်ကြောပိတ်ဆို့စစ်ဆေးနေစဉ် ဆိုင်ကယ်များအား စစ်ဆေးရာမှ ဆိုင်ကယ် ၂ စီးမှ လူငယ်(၄) ဦးတို့အား PDF ဟုဆိုကာ ဖမ်းဆီးအရေးယူထားကြောင်း သိရသည်။