လူ့အခွင့်အရေး

ချောင်းဆုံမြို့နယ်၊ မုကွဲကျေးရွာရှိ မူလတန်းကျောင်းမှ ကျောင်းဆရာမတစ်ဦး စစ်တပ်သုံး G3 ဘက်နှက်ဖြင့် ထိုးသတ်ခံရကြောင်း ဒေသခံများထံမှ သိရသည်။

သံဖြူဇရပ် - ရေး အမှတ် (၈) ပြည်ထောင်စုလမ်းမ နှစ်ကရင်လမ်းဝတွင် စစ်ကောင်စီဘက်မှ ပစ်ခတ်လိုက်သည့် လက်နက်ကြီးကျရောက်ပေါက်ကွဲမှုကြောင့် ဒေသခံ (၃) ဦးနှင့် တော်လှန်ရေးတပ်ဖွဲ့ဝင် (၁) ဦး ထိခိုက်ဒဏ်ရာရရှိကြောင်း ဒေသခံများထံမှ သိရသည်။

မွန်ပြည်နယ်၊ ရေးခရိုင်ပြည်သူ့ဆေးရုံတွင် အခမဲ့ကျန်းမာရေးစနစ်ဆိုသော်လည်း တက်ရောက်ကုသနေရသည့် လူနာများအနေဖြင့် တာဝန်ကျကျန်မာရေးဝန်ထမ်း၊ သူနာပြုဆရာမထံမှ ဆေးဝါးများဝယ်ယူပြီး ကုသခံနေရသည့်အတွက် အခက်အခဲများ ဖြစ်ပေါ်လျက်ရှိကြောင်း သိရသည်။

ထိုင်းနိုင်ငံအတွင်း တရားမဝင်အလုပ်သမား ဖမ်းဆီးရေး ရက်ပေါင်း (၁၂၀) စီမံချက်၏ (၈၅) ရက်အတွင်း မြန်မာရွေ့ပြောင်းအလုပ်သမား တစ်သိန်းခုနှစ်သောင်း (၁၇၇၈၀၀) ကျော် ဖမ်းဆီးခံခဲ့ရကြောင်း ထိုင်းနိုင်ငံဘက်မှလာသည့် သတင်းများအရ သိရသည်။

ပေါင်မြို့နယ် သဗြုချောင်ကျေးရွာ ဈေးတန်းအတွင်း ယမန်နေ့ ညပိုင်းအချိန်က လူငယ် ၁၀ ဦးခန့် စုဖွဲ့စကားပြောနေကြသည်ကို ရဲတပ်ဖွဲ့က ဝင်ရောက်ပစ်ခတ်၍ PDF အဖွဲ့ဝင်များအဖြစ်လုပ်ကြံစွပ်စွဲပြီး ဖမ်းဆီးထားကြောင်း ဒေသခံများမှ သိရသည်။

ရေးမြို့နယ် လမိုင်းမြို့ပေါ်က ယုဇနရွှေဆိုင်ကို ယနေ့နံနက်ခင်း စျေးဖွင့်ချိန်၌ ဓားပြတိုက်မှု ဖြစ်ပွားခဲ့ကြောင်း သိရသည်။

မြဝတီမှလာသော ခရီးသည်တင်ယာဉ်ငယ်တစ်စီးသည် မော်လမြိုင်-ရန်ကုန် - မော်လမြိုင် ကားလမ်းဖြတ်သန်းရာ သထုံမြို့နယ် ကမာစိုင်ကျေးရွာတွင် ယမန်နေ့ညပိုင်း (၈) နာရီခွဲအချိန်ခန့်က မိုင်းဆွဲတိုက်ခိုက်ခံရပြီး အမျိုးသား (၂) ဦးသေဆုံးကာ (၅) ဦးထက်မနည်း ထိခိုက်ဒဏ်ရာရရှိခဲ့ကြောင်း ဒေသခံများထံမှ သိရသည်။

KNLA/PDF ပူးပေါင်းအဖွဲ့၏ ဖမ်းဆီးခေါ်ဆောင်ခြင်းခံခဲ့ရသည့် သံဖြူဇရပ်မြို့နယ် ဝဲခမိကျေးရွာရှိ အ.ထ.က (ဝဲခမိ) စာသင်ကျောင်းမှ ကျောင်းအုပ်ဆရာကြီးအပါအဝင် ဆရာ၊ ဆရာမ (၅) ဦးမှာ ဩဂုတ်လ (၃၁) ရက်နေ့က ပြန်လည်လွတ်မြောက်လာကြောင်း သံဖြူဇရပ်မြို့နယ်ပညာရေးမှူးရုံးနှင့် နီးစပ်သူများထံမှ သိရသည်။

မြို့သိမ်းတိုက်ပွဲဖြစ်ပေါ်လာနိုင်ကြောင်း သတင်းများထွက်ပေါ်လာပြီးနောက် ရေးမြို့နယ်အတွင်း ဧည့်သည်အဝင်အထွက်များကို ယခုလမှစတင်၍ ပိုမိုတင်းကြပ်စွာစစ်ဆေးသွားရန် သက်ဆိုင်ရာက ညွှန်ကြားထားကြောင်း သိရသည်။

ကျိုက်မရောမြို့နယ် ကော့ပနော - ဝငဲ - ကော့ဝမ်းကျေးရွာသွား လမ်းဆုံအား မြန်မာစစ်ကောင်စီတပ်က ဒရုန်းဖြင့်ဗုံးချတိုက်ခိုက်ခဲ့သည့်အတွက် ဒေသခံတစ်ဦးသေဆုံးကာ လေးဦးထိခိုက်ဒဏ်ရရရှိခဲ့ကြောင်း ဒေသခံများထံမှ သိရသည်။