လူ့အခွင့်အရေး

မွန်ပြည်နယ်အတွင်းရှိ ရွှေ့ပြောင်းလုပ်သားစာရင်းများအား ပေးပို့သွားရန် စစ်ကောင်စီက အရပ်ဘက်အုပ်ချုပ်ရေးအဖွဲ့များထံ ညွှန်ကြားထားကြောင်း ခရိုင်အုပ်ချုပ်ရေးဌာနနှင့် နီးစပ်သူများထံမှ သတင်းရရှိသည်။

သံဖြူဇရပ်မြို့နယ် ဝဲခမိကျေးရွာအနီးတွင် ယမန်နေ့ မွန်းတည့်ချိန်ခန့်က စစ်ကောင်စီအမြှောက်တပ်မှ ပစ်ခတ်သော လက်နက်ကြီးကျရောက်ပေါက်ကွဲမှုကြောင့် ဒေသခံလူငယ်နှစ်ဦး ထိခိုက်ဒဏ်ရာများရရှိခဲ့ကြောင်း ဒေသခံများထံမှ သိရသည်။

စစ်ကောင်စီက ပြည်သူ့လုံခြုံရေးနှင့် အကြမ်းဖက်နှိမ်နှင်းရေးဗဟိုကြီးကြပ်မှုအဖွဲ့ကို ဩဂုတ်လက ဖွဲ့စည်းခဲ့ပြီး ပြည်နယ်၊ မြို့နယ်များနှင့် ရပ်ကွက်ကျေးရွာများအလိုက် ဆက်လက်အကောင်အထည်ဖော်ရန်အတွက် လူမှုရေးအသင်းအဖွဲ့များကို လိုက်လံစည်းရုံးနကြောင်း သိရသည်။

သံဖြူဇရပ်မြို့နယ် အတွင်းစခန်းကြီးကျေးရွာတွင် ယမန်နေ့ ညနေပိုင်းအချိန်က လက်နက်ကြီးကျရောက်ပေါက်ကွဲမှုကြောင့် ဒေသခံတစ်ဦးပြင်းထန်ဒဏ်ရာရရှိခဲ့ကြောင်း ဒေသခံများထံမှ သိရသည်။

ယခုနှစ်ငါးဖမ်းရာသီကာလ၌ ကျိုက်ခမီပင်လယ်ပြင်နှင့် ရေးမြို့နယ်အတွင်း လိုင်စင်မဲ့ငါးဖမ်းလုပ်ငန်းများ အထူးသဖြင့် ကျားဖောင်ကြောင့် ရေလုပ်သားများ၏အခွင့်အရေးနှင့် ရပိုင်ခွင့်ဆုံးရှုံးနေရကြောင်း ဒေသခံရေလုပ်သားများထံက သိရသည်။

စစ်ရေးနှင့်မဆိုင်သည့် အရပ်သားနေအိမ်များ မီးရှို့ဖျက်ဆီးခံရမှုအတွက် ပဋိပက္ခအလွန် အသွင်ကူးပြောင်းရေးဆိုင်ရာ တရားမျှတမှုရှာဖွေရာ၌ အရင်းအမြစ်များစွာ ကုန်ကျနိုင်ပြီး ငြိမ်းချမ်းရေးလုပ်ငန်းစဉ်များတွင် ပြည်သူများထောက်ခံပါဝင်လာစေရန် အဟန့်အတားဖြစ်စေနိုင်ကြောင်း Data for Myanmar ၏ အစီရင်ခံစာက သုံးသပ်ထားသည်။

ပြည်သူ့ကာကွယ်ရေးတပ်ဖွဲ့ PDF နှင့်ဆက်သွယ်ပြီး ထောက်ပို့လုပ်နေသည်ဟု စွပ်စွဲချက်ဖြင့် ဖမ်းဆီးခံထားရသော ရေးမြို့ခံ (၆) ဦးတို့အား မိသားစုဝင်များနှင့် တွေ့ခွင့်မရသေးကြောင်း စုံစမ်းသိရှိရသည်။

သံဖြူဇရပ်မြို့နယ် အတွင်းစခန်းကြီကျေးရွာတွင် မြေမြှုပ်မိုင်းနင်းမိပေါက်ကွဲမှုကြောင့် ဒေသခံတစ်ဦး ပြင်းထန်ဒဏ်ရာရရှိပြန်ကြောင်း ဒေသခံများထံမှ သိရသည်။

ရန်ကုန်မြို့မှ ရေးမြို့သို့ ခရီးသွားလာနေကြသည့် ပြည်သူများအနေဖြင့် လမ်းတလျှောက်ရှိလုံခြုံရေးဂိတ်များတွင် ငွေကြေးပေးဆောင်ရမှု မရှိသော်လည်း မွန်ပြည်နယ်၊ သံဖြူဇရပ်မြို့နယ်မှ ရေးမြို့နယ်သို့သွားသည့်လမ်းပိုင်း ရောက်မှသာ လုံခြုံရေးဂိတ်များက ခရီးသည်များထံမှ ငွေအတောင်းကြမ်းနေကြောင်း တွေ့ရသည်။

ကရင်ပြည်နယ်၊ မြဝတီဒေသရှိ အွန်လိုင်းငွေလိမ်လုပ်ငန်းများမှ အိန္ဒိယနိုင်ငံသား ၆၃ ဦး လွတ်မြောက်လာကြောင်း မြန်မာနိုင်ငံဆိုင်ရာ အိန္ဒိယသံရုံးက ယနေ့တွင် သတင်းထုတ်ပြန်သည်။