“မွန်ပြည်နယ်ကို ဆန္ဒမဲဖြင့်မပြုလုပ်သင့်ကြောင်း၊ မွန်လူထုသည် ၁၀ နှစ် ၁၀ မိုး ပြည်နယ်လိုလားကြောင်း ဆန္ဒပြခဲ့ဘူးပြီဖြစ်ကြောင်း၊ ကရင်ပြည်နယ်ထဲတွင် ပါဝင်နေသော မွန်ကျေးရွာ ၅၈ ရွာကိုလည်း မွန်ပြည်နယ်သတ်မှတ်ရာတွင် ပြန်လည်ထည့်သွင်းပေးသင့်ကြောင်း၊ ကရင်ပြည်နယ်သတ်မှတ်စဥ်က မိမိတို့ မကန့်ကွက်ခြင်းမှာ တောတွင်းလက်နက်ကိုင်ဘဝနှင့် ရောက်နေရခြင်းဖြစ်ကြောင်း၊ မိမိတို့လက်နက်စွန့်ခဲ့သည်မှာလည်း မွန်ပြည်နယ်ပေးမည် ဟူသော ဝန်ကြီးချုပ်ဦးနု၏ ဂတိကိုယုံကြည်၍ ဖြစ်ကြောင်း”
၁၉၆၀ ပြည့်နှစ် မတ်လ ၁၉ ရက်တွင် သန့်ရှင်းမွန်အမျိုးသားအဖွဲ့ချုပ်မှ သတင်းစာရှင်းလင်းပွဲ ပြုလုပ်၍ မွန်ပြည်နယ်ရရှိရေးကို တောင်းဆိုခဲ့သည်။ သန့်ရှင်းမွန်အမျိုးသားအဖွဲ့ချုပ် ဥက္ကဌ ဦးဖေသန်း၊ အတွင်းရေးမှူး ဦးငွေစိုးတို့က သတင်းစာဆရာများအား ပြောကြားရာတွင် ရွေးကောက်ပွဲ မတိုင်မီက မော်လမြိုင်မြို့၌...
