စစ်ကိုင်းတိုင်း၊ ဒီပဲယင်းမြို့နယ်က ကျခတ်ကျေးရွာဘုန်းကြီးကျောင်းကို စစ်ကောင်စီတပ်က လေယာဉ်နဲ့ ဗုံးကြဲတိုက်ခိုက်လို့ ကိုရင် ၃ ပါးအပါအဝင် အရပ်သား ၆ ယောက် သေဆုံးသွားပါတယ်။
ယနေ့ ဧပြီ ၁၂ ရက်၊ မွန်းလွဲ ၂ နာရီအချိန်မှာ စစ်တပ်က တံတားဦးလေတပ်က ဂျက်ဖိုက်တာလေယာဉ်နဲ့ ကျခတ်ကျေးရွာဘုန်းကျောင်းကို ဗုံးကြဲခဲ့တာပါ။
စစ်ကောင်စီက ဧပြီ ၂ ရက်ကနေ ၂၂ ရက်အထိ ၂၀ ရက်ကြာ အပစ်အခတ်ရပ်စဲမယ်လို့ ကြေညာထားပေမယ့် တိုင်းပြည်အနှံ့ လေတပ်တိုက်ခိုက်မှုတွေ ဆက်လုပ်နေတာကို စောဒကတက်စရာဖြစ်နေပါတယ်။
ဒီတိုက်ခိုက်မှုကြောင့် ကိုရင် ၃ ပါး၊ ကျောင်းသား ၁ ယောက်၊ ကပ္ပိယအဘိုး ၁ ယောက်၊ အမျိုးသမီး ၁ ယောက် သေဆုံးခဲ့ပြီး ကိုရင် ၃ ပါးနဲ့ အရပ်သား ၂ ယောက် ဒဏ်ရာရခဲ့တယ်လို့ ဒေသခံတစ်ဦးက ပြောပါတယ်။
“ဘုန်းကြီးကျောင်းကို ဂျက်လေယာဉ်နဲ့ ဗုံးကြဲတာ မနက်ဖြန်မှာ ဖြစ်ပျက်ခဲ့တယ်။ ကိုရင် ၃ ပါးနဲ့ ကျေးရွာသား ၃ ယောက် သေတယ်။ ဒဏ်ရာရသူတွေလည်း အများကြီးရှိတယ်” လို့ ကျေးရွာသားတစ်ဦးက ပြောသွားပါတယ်။
Ref: western News.
