ဒုတိယစစ်ခေါင်းဆောင် ဒုတိယဗိုလ်ချုပ်မှူးကြီး စိုးဝင်းက မတ် ၂၀ ရက်တွင် ကလောတပ်နယ်ရှိ တပ်မိသားစုဝင်များနှင့် တွေ့ဆုံစဉ် စစ်မှုထမ်းဆင့်ခေါ်ရေးအဖွဲ့အချို့၏ ငွေကြေးမသမာမှုများ တွေ့ရှိခဲ့ကြောင်း၊ စစ်သားစုဆောင်းမှုများကြောင့် ပြည်သူ့စစ်မှုထမ်းများ အခက်အခဲကြုံနေရကြောင်း ထုတ်ဖော်ပြောကြားခဲ့သည်။
၄င်း၏ပြောကြားချက်အရ ငွေကြေးလိမ်လည်မှုများဖြင့် စုဆောင်းခံရသော စစ်မှုထမ်းအချို့သည် စီးပွားရေး၊ လူမှုရေးအကျပ်အတည်းများ ရင်ဆိုင်နေရပြီး ယခုပြဿနာကို အရေးပေါ်ကိုင်တွယ်နေရသည်ဟု ဆိုသည်။
ထို့ပြင် တပ်မတော်သားများအနေဖြင့် ဆင့်ခေါ်ရေးအဖွဲ့များ၏ မမှန်ကန်သောလုပ်ရပ်များကို ချက်ချင်းသတင်းပို့ရန် တိုက်တွန်းခဲ့သည်။
စစ်ကောင်စီဘက်မှ ယခင်က စစ်မှုထမ်းလွှဲပြောင်းရန် ငွေကြေးတောင်းခံခြင်း၊ လာဘ်စားမှုများကို တားမြစ်ထားပြီး ချိုးဖောက်သူများအား အရေးယူခဲ့ကြောင်း ကြေညာထားသည်။
သို့သော် မည်သည့်ငွေကြေးမသမာမှုပုံစံနှင့် စစ်မှုထမ်းများ၏အခက်အခဲအသေးစိတ်ကို ရှင်းလင်းဖော်ပြခြင်းမရှိသေးပေ။
အဆိုပါဖြစ်စဉ်သည် ၂၀၂၄ ဖေဖော်ဝါရီ ၁၀ ရက်တွင် ပြဋ္ဌာန်းခဲ့သော ပြည်သူ့စစ်မှုထမ်းဥပဒေအရ စတင်အကောင်အထည်ဖော်နေခြင်းဖြစ်ပြီး လက်ရှိအပတ်သည် ၁၁ ကြိမ်မြောက် စစ်သင်တန်များကို တိုင်းစစ်ဌာနချုပ်လက်အောက်ခံ သင်တန်းကျောင်းအသီးသီး၌ တပြိုင်တည်း ဖွင့်လှစ်လျက်ရှိသည်။
