မုဒုံမြိုနယ် လက်တက်ကျေးရွာ၊ ခပ်ရခပ်ယူဘုရားကြီးအနီးတွင် ယမန်နေ့က ယာဉ်တိုက်မှုဖြစ်ပွားခဲ့ရာမှ လူငယ် (၃) ဦးသေဆုံးခဲ့ကြောင်း လူမှုကူညီကယ်ဆယ်ရေးအဖွဲ့ထံမှ သိရသည်။
ယမန်နေ့ နိုဝင်ဘာလ (၁၅) ရက်နေ့ မွန်းလွဲ (၁) နာရီဝန်းကျင်အချိန်ခန့်က မုဒုံမြို့ဘက်မှ သံဖြူဇရပ်မြို့ဘက်သို့ မောင်းနှင်နေသည့် (၆) ဘီးကုန်တင်ယာဉ်နှင့် လူငယ် (၃) ဦးစီးနင်းလာသည့် ဆိုင်ကယ်တို့ တိုက်မိခဲ့ခြင်းဖြစ်သည်ဟု လူမှုကူညီကယ်ဆယ်ရေးအဖွဲ့မှ တာဝန်ရှိသူတစ်ဦးကပြောကြားသည်။
“ဆိုယ်ကယ်ပေါ်မှာက အသက် (၁၆) နှစ်ဝန်းကျင်ယောက်ျားလေး (၂) ဦးနဲ့ အသက် (၂၀) နှစ်ဝန်းကျင် မိန်းကလေးတစ်ဦးလိုက်ပါလာတယ်။ မိန်းကလေးနဲ့ ယောက်ျားလေးတစ်ဦးက အခင်းဖြစ်တဲ့နေရာမှာဘဲ သေဆုံးခဲ့ပါတယ်။ ယောက်ျားလေးတစ်ဦးကတော့ ဆေးရုံတင်ပို့တဲ့ အချိန်မှာ သေဆုံးခဲ့ပါတယ်” ဟု ၎င်းကဆက်လက်ပြောကြားသည်။
ထိုဖြစ်စဉ်မှ (၆) ဘီးကုန်တင်ယာဉ်မောင်းမှာ ကားမောင်းနှင်ထွက်ပြေးသွားကြောင်းလည်း ၎င်းကဆိုသည်။
ယာဉ်တိုက်မှုကြောင့် သေဆုံးခဲ့ကြသူများ၏ ရုပ်အလောင်းအား စေတနာရှင်လူမှုကယ်ဆယ်ရေးအသင်း (သံဖြူဇရပ်) ၊ ရွှေရောင်နေ့သစ်လူမှုအထောက်အကူပြုအသင်း (မြိတ်) နှင့် စေတနာအလင်းတန်းလူမှုကူညီရးအသင်း (လက်တက်ကျေးရွာ) မှ မုဒုံမြို့နယ်ပြည်သူ့ဆေးရုံရှိ ရင်ခွဲရုံသို့ ကူညီပို့ဆောင်ပေးခဲ့ကြောင်း သိရသည်။
Photo Credit – စေတနာရှင်လူမှုကယ်ဆယ်ရေးအသင်း (သံဖြူဇရပ်)
